خوخان درگی

سئوگیلی یولداشلار:م

خوخانچی یولداشلاریمیزلا خوخاندا یئنی بؤلوملر آرتیرما قرارینداییق. یازیلاریمیز درگی اولاراق یاییلاجاق آنجاق ناغیللارلا شعرلرین سسلرینی سایت دان اندیره بیلرسیز.اوموروق بو دییشیکلیکلری سیز ده بَیه نه سیز. ایلک درگیمیزی آشاغی سئچه نکدن اندیره بیلرسیز.م

لوطفا باخیشلارینیزی بیزله پایلاشین.م

xoxandergi

پاخیل اوْغلان

اۆچ دوْست – گۆللو، آنار، جۆمشود ائيواندا دینمزجه اوْتورموشدولار. نیيه دینمزجه اوْتورموشدولار؟ چۆنکی شکیل چکیردیلر. ائو، حيط، منظره شکلی. اولجه‌دن شرطلشمیشدیلر ده… باخاق گؤرک کیمین چکدیگی رسم داها قشنگ اوْلاجاق؟! گۆللو ایله آنار کارانداشلارینی گؤتوروب ایشه باشلادیلار. جۆمشود ایسه اوْنلاردان آرالی اوْتوروب چکمه‌يه باشلادی. اۇشاقلار شکیللرینی چکیب قۇرتاراندان سوْنرا اوْنو دیوارا ياپیشدیردیلار. جۆمشود اوْ بیریلری‌نین چکدیکلری رسملری لاغا قوْيدو:

- هئچ بئله ده شکیل اوْلار؟ گۆللو اینجیدی:

- نیيه اوْلمور؟ جۆمشود هر ایکی رسمده ائولرین دامینی گؤستردی:

- باخین، بۇنلار سهودی.

ائولرین دامیندا مۆطلق قێرمیزی کرپیجلی باجا اوْلمالیدیر. آنار دئدی:

- دۆز دئيیرسن، باجا اوْلسايدی شکیللریمیز داها گؤزل گؤرونردی. منیم قێرمیزی قلمیم يوْخدور، وئر، سنین قله‌مینله رنگله‌يیم. جۆمشود بیر سؤز دئمه‌يیب  باشینی قاشیدی. آنار اوْ ساعت گؤردو کی، اوْ، کارانداشی وئرمک ایستمیر. گۆللو ایسه هله بۇنو حیسس ائله‌مه‌دی. جۆمشودون چکدیگی شکله دقتله باخدی. اوْ دوْغرودان دا باجانی قێرمیزی رنگله رنگله‌میشدی دئيه، ائو قشنگ گؤرونوردو. دئدی:

- قله‌مینی منه ده وئر، من ده باجانی قێرمیزی رنگله‌يیم.  جۆمشود قێرمیزی قله‌مه باخا-باخا دئدی:

 

- بیرجه قێرمیزی قلمیم وار، اوْنو دا وئریم سیزه، بس اوْنون اۇجو سێنسا نئيله‌رم؟ اۇشاقلار تعجبله بیر-بیرلرینه باخدیلار.

- وئرمیرسن وئرمه، بیز قێرمیزی قلمسیز ده کئچینریک، – دئدیلر. آنار قارا کارانداشی گؤتوردو. اوْغلان شکلی چکمه‌يه باشلادی. باشینی، بدنینی، قوْللارینی چکیب  دئدی:

- گل اۇشاق شکلی چکک… گۆللو قلمی گؤتوروب دوْستو چکن شکلی داوام ائله‌دی:

- اوْنو قشنگ بزه‌يک… آنار اوْغلانین يالین آياغینا چکمه چکیب دئدی:

- چکمه‌سینی گئيیندیرک.

گۆللو آدامین يانیندا آخار چاي چکدی:

- چايا چیممه‌يه گؤنده‌رک! اۇشاقلار چکدیکلری رسمه باخب ائله اۆرکدن گۆلدولر کی… جۆمشود ایسه ساکیتجه بیر طرفده دايانمیشدی. کینايه ایله اوْنلارا باخیب فیکیرلشیردی: “بۇردا گۆلمه‌لی نه  وار کی؟”.

 

آنار گۆلمه‌يینی ساخلايیب دئدی:

- گۆللو، گلسنه بیز ده گئدک چايا، چیممه‌يه! يامان ایستیدیر.

گۆللو سئویندی:

- البته‌‌، گئدک!

اوْنلار ال-اله تۇتوب چايا طرف قاچدیلار. جۆمشود ایسه ائيواندا تکجه اوْتوردو. چکدیگی ائوه باخدی. قێرمیزی قله‌مینه باخدی. باخماياراق کی، جۆمشودون رنگلی  قلملری، قێرمیزی کرپیجدن ائوی واردی، آمما اوْ چوْخ داریخدی.

 سسین ائندیر-دانلود

خوخان بالوندان سیزه باخیر

اوُشاقلار! باخین! خوخان مینیب بالونا و گزمَه یَه چیخیب.ت

سیزجَه بیر بالوندان آشاغییا باخاندا نه لَر گؤروشَر؟ ذهنیزه یئتیشن هر نه یی چکیب رنگله یین.ت

عکس دَکی رنگ لرین آدلارینی بیلیرسیز؟ اونلاری اوُجادان دئیین.ت

 

اوُشاقلار گؤرورسوز خوخان نئجه داریخیب؟ آخی بیلمَییر هارانی دولانسین!ت

سیز هانسی شهَرده سیز؟ سیزین شهرینیزه گلسه نئجه دیر؟ کیم خوخانی اؤز شهَرینه قوناق چاغیریر؟

بیزه ایمیل گؤندرین و آدینیزی و اؤز شهرینیزین گؤرمه لی یئرلرینی خوخانا دئیین. کیم نه بیلیر؟ بلکه خوخان سیزه قوناق اولاجاق ائله!ت