بالاجا خوخان

عطاء ترکمانزاده،جولفا

 آراد،تهران

آیدا فرزانه،سولدوز

آیدا آذرپیشه،سولدوز

یاشیل قابیق قارپیزام
ایچی دولو اولدوزام
اولدوز توخوملاریمدی
شیرین ات ده واریمدی
منی یارادیب تاری
هم قیرمیزی هم ساری
ایلده چیلله آخشامی
منی آختارار هامی
آلیب کسیب یئیرلر
وای وای دوندوم دئیرلر

سسی انئدیر-دانلود

شاعیر : عقیل

سس و رسام : آرزو مرادی

قاریشدیرما

آنام قونشو قادینلاری ایله حیطده‌ آش پیشیریر. ملاغانی بیر بیر آلیب آشی قاریشدیریرلار. نقدر یالواریرام منی قازان

باشینا قویمورلار. آنام دئییر:« سن گئت اوشاقلار ایله اوینا!» دئییرم:« بونلارین اوشاقلاری شولوقلوق ائلیییر.

من ایسته‌میرم شولوقلوق ائلییم کی» آنام دئیییر:« یوخ، سن گئت شولوقلوق ائله! من ایجازه وئریرم.»

بیر آز اوینورام سونرا یئنه گؤیلوم آش قاریشدیرماق ایستیییر. آنام منی قازان باشیندا گؤرنده دئییر:« سنه دئدیم گئت

اوینا آخی». دئییرم:« آنا بو اوشاقلار منه تربیه‌سیز سؤز اؤیره‌دیرلر، قوی سنین یانیندا دوروم» آنام باشینی

توولاییر:« اولسون سن منیم بالامسان اؤیرنمه‌سن کی،گئت اوشاقلارین یانینا»

چوخ سئویرم آش قاریشدیرام اونا گؤره آناما دئییرم:« یوخ آنا، بیر دنه تربیه‌سیز سؤز اؤیرندیم. دئییم گؤرسن نه

پیسدیر؟!»

آنام دیلینی دیشلییر یانی:«دئمه ها!» دئییرم «فقط بیر دامجی قاریشدیریرام گئدم دا، قوی دا آنا! قوی دا»

مهریبان آنام منی قوجاغینا آلیب توتور قازانین قاباغیندا، دئییر:« قاریشدیر!» بیر ایکی دؤوره قاریشدیراندان سونرا

باشیمی قووزاییب گؤرورم اوشاقلارین هامیسی منیم دالیمدا آش قاریشدیرماق نوبه‌‌سینه دوروبلار!

ائندیر-دانلود

حنانه ،جلفا

سئودا،سلماس

صبا صادقی ،تبریز

سئودا،سلماس

بهار ، تبریز

صبا صادقی،تبریز

ائندیر(دانلود)

کئچی

آلا-بولا, بوز کئچی,

آی قوشا بوینوز کئچی!

یالقیز گزمه, دولانما,

داغا-داشا دیرمانما.

بیر قورد چیخسا قارشینا,

سن نه ائدرسن اونا?

چوبان آچینجا گؤزون,

قالار ایکی بوینوزون.

شعر: عبدالله شایق

باریشماق

خوخانناز دونن باجیسی ایله ساواشیب کوسموشدولر. سونرا آتاسی اونلاری باریشدیرمیشدی. دئمیشدی الیب وئریب اؤپوشون. اونلار دا ال وئریب اؤپوشموشدولر. سونرا دا آنالاری اونلارا شیرنی وئریب «آغزیزی شیرین ائلیین» دئمیشدی. خوخانناز سحر باجیسی مدرسه‌یه گئدندن سونرا بیزه گلیب بونلاری تعریفله‌دی. من هئچ کوسوب باریشماق گؤرمه‌میشدیم. چوخ خوشوم گلدی. خوخاننازا دئدیم گل بیز ده کوسک. دئدی :«یوخ من بو تئزلیکده کوسه بیلمرم،آناما سؤز وئرمیشم، ایسته‌سن دؤز گلن هفته کوسریک!»

منیم گؤیلوم تئز کوسمک ایسته‌میشدی دؤزه بیلمزدیم. اونا گؤره خوخانناز گئتمک همن گئدیب آنامدان ایسته دیم. آنام  اوول هئچ خوشو گلمه دی بو ایشدن. دئدی :«آخی سن بونون نه‌یینی سئویرسن؟»، دئدیم« ال وئریب باریشماسینی».  بیر آز فیکیرلشیب دئدی:« اوندا گل باریشماق باریشماق اوینایاق» سونرا آخشاما کیمی 7-8 یول باریشماق باریشماق اوینادیق:اوول اوزاقدان ایری ایری باخدیق بیر بیریمیزه یانی کوسولویوک. سونرا یاخینلاشدیق، سونرا ال وئریب، اؤپوشدوک، سونرا دا آغزیمیزی شیرین ائله‌دیک. چوخ خوش کئچدی!

ائندیر-دانلود